- இந்த ஒரு மாதத்திற்கு உங்களுக்கு எந்த பிரச்சனையும் இல்லை.
- தமிழகம் முழுதும் மின்சாரம் துண்டிக்கப்பட்டு உங்கள் பகுதிக்கு 24 மணி நேரமும் தங்கு தடையின்றி மின்சாரம் வழங்கப்படும்.
- அரசியல்வாதிகள் இதுவரை சேர்த்துவைத்த பெட்டிகளில் ஒரு சில வெளிவந்து உங்களுக்கு தரிசனம் தரும்.
- நாட்டு பிரச்சனை மறக்கடிக்கப்பட்டு ஊடகங்கள் உங்கள் பகுதி தேர்தல் செய்திகளுக்கு முக்கியத்துவம் தரும்.
- கலர் டி.வி.யும், கலர் காகிதங்களும் டாடா சுமோவில் வலம் வரும்.
- சாதிப் பிரச்சனை தலைதூக்கி தன் சாதிக்காரன் இருந்தால் கண்மூடி ஓட்டுபோடச் சொல்லி தலையில் கொட்டும்.
- கட்சிகள் எதிரணியினரை பற்றி குறை சொல்லுமே தவிர தங்கள் சாதனைகளாக ஒன்றும் சொல்லாது.
- வாய்க்கு வந்ததையெல்லாம் வாக்குறுதிகள் என்று சொல்லும்.
- கட்டிங் குடித்த குடிமகன்களுக்கு இந்த ஒரு மாதம் குவார்ட்டர் அடிக்கும் அளவுக்கு வசதிகள் பெருகும்.
- பழுதடைந்த பல்லிளித்த சாலைகள் சீர்செய்ய வேலைகள் ஆரம்பிக்கும். (ஆரம்பம் மட்டும்தான்...)
- கட்சி தொண்டர்களுக்குள் வெட்டு குத்து நடக்க வாய்ப்பு உண்டு.
- அறுக்கப்போகும் ஆட்டுக்கு செய்யும் அனைத்து மரியாதைகளும் உங்களுக்கும் நடக்கும்.
- இரவில் பணப்பட்டுவாடா நடக்க வாய்ப்பு அதிகம். தூங்கி விடாதீர்கள்.
- மேடைப்பேச்சு என்ற பெயரில் உங்களக்கு அணுஅணுவாக சித்திரவதை நடக்கும்.
- ஆடு,கோழிகள் தொலைந்து போக அதிக வாய்ப்பு. பத்திரமாக பார்த்துக் கொள்ளுங்கள்.
நல்ல நாட்கள்: டிசம்பர் 18 வரை. அதற்கு பிறகு இரண்டு வருடத்திற்கு சனிப்பார்வை உங்கள் மேல் தீர்க்கமாக இருக்கும்.
பரிகாரம்: உங்கள் ஜனநாயக கடமை முடிந்தவுடன் நாமக்கட்டி இருந்தால் நாமம் போட்டுக்கொண்டு கோவணம் கட்டி உலாவருவது நல்லது. தேர்தலுக்குப் பிறகு அவர்கள் நாமம் போடுவதற்கு முன்பு நாமே போட்டுக்கொண்டோம் என்ற திருப்தியாவது கிடைக்கும்.
